كيكه اسفنجيه سهله معتمده عندي بعدة نكهات + صواني سليكون

 

طريقة كيك المعتمدة عندي بنكهات عده :" تقتدري تبدعي باي نكهه تحبيها هذه ساده وبعلمك كيف تسوون منها نكهات.."

بالترتيب في الخفق 4 بيضات مع ملعقة فانيليا وملعقة صغيرة خل وكاس سكر في الخلاط الكيك لمدة 10 دقائق وبعدين نضيف ثلاث ارباع كاس زيت + كاس حليب سائل

وبعدين نوطي الخلاط ونضيف كاس ونص دقيق منخول وملعقة أكل بيكنج بودر

ندخلها فرن ولما تستوي من تحت وتنتفخ تمام نولع عليها من فوق تحميره بسيطة ونخرجها .

كذا خلصنا كيكه ساده 

صورة بها كتابة للمقادير وطريقتها 

اذا تبين تخلينها بنكهات.. ( جميع نكهات اللي بقولها جربتها واعجبتني )

اذا تبين بنسكافيه وكاكاو مره

لما تخلصي من دقيق حطي ملعقة كبيره نسكافيه و ملعقتين كاكاو بودره مره او تقدري تخلينها بس نسكافيه علي كيفك او تقدري بدل نسكافيه تستخدمي قهوه تركيه او كابتشينو

 

اذا تبين تخلينها بنكهه البرتقال بدل الحليب السايل حطي عصير برتقال
وبدل فانليا مع البيض حطي قشر برتقال مبشور ابشري بس الطبقه برتقاليه لا تبشرين الطبقه بيضا لان تصير بعدين النكهه بها مراره

 

اذا تبين نكهه قرفه وكاكاو مره

تحطي ملعقتين قرفه مطحونه مع ملعقتين كاكاو
تقدري تخلينها قرفه لوحدها

 

اذا تبين كيك بنكهه قمر الدين

 

وزعي الكيك بالصينيه وقطعي بيدك قمر الدين ووزعيها عالكيك ..

ويفضل تحفظيها بعلبه وتقديمها باليوم الثاني لان بتكون قطع قمر الدين اطرى والذ

 

اذا تبين الكيكه نص فانليا ونص شكولاته او نص اي نكهه ثانيه

 

 

خلي نفس خلطه الكيك فوق صبي ثلاث ارباعها بصينيه الكيك وخلي بالخلاط الكيك ربع حطي اي نكهه تبين اذا تبين شكولاته حطي ملعقتين كاكو بودره واخلطيها على خفيف الين تذوب ووزعيها فوق الخليط الكيك الابيض بالصينيه
بيطلع ولا الذ اممممم

واذا تبين الكيك بقطع التمر .. وزعي خليط الكيك بالصينيه ثم وزعي قطع تمر مقطعه صغار وخليه يدخل داخل الكيك

واذا تبين الكيك بقطع التوفي .. وزعي الخليط الكيك بصينيه ثم وزعي قطع توفي عليها وخلي قطع تدخل داخل الكيك حتى مع حراره الفرن تذوب

واذا تبين الكيك بقطع الشكولاته .. وزعي الخليط بصينيه ثم قطعي شكولاته قطع صغيره ووزعيها وخلي القطع تدخل داخل الكيك حتي مع حراره الفرن تذوب داخلها

افضل تستخدمون صواني الكيك او كب كيك حتى يعطي شكل مغري للاكل

هذي صواني الكيك اللي استخدمها صواني سليكون تستخدم لكل الافران تطمنوا ما تذوب لان اول اشتريها اهلي مو مصدقين ان به صواني شكل بلاستك وتدخل الفرن وهذي صواني رخيصه (ب 10 ريال ) وصحيه واشكالها رووعه للكيك والحلويات شوفوا صورتها ..

هذي كل النكهات اللي جربتها وتقدورا تحطوا اي نكهه تحبونها

اهم شي الكيكه ذي مقاديرها ثابته ومعتمده تطلع لك مثل الكيكه الاسفنجيه